Untitled

Impormasyong 'Hi-Tech' Para sa Atin

(Agosto 1, 2001)

PARA SA mga kooperatiba at sinumang nagnenegosyo, mahalaga ang impormasyon. Saan-saan makakabili ng mga materyales na kailangan? Magkano? Sinu-sino ang mapagbebentahan ng produkto? Magkano at ano ang kalidad ng mga produktong binibili na nila ngayon? Makakasingit pa kaya tayo sa merkado? Ganyang mga tanong ang kailangang alam sagutin ng negosyante, laluna sa produksyon, para na makapagdesisyon. Ang magandang balita po dito, may mapagkukunan ngayon ng mabilisang impormasyon.

Ang tinutukoy po ni Ding, mga kaibigan, ay mga computer. Di na lang sa ating bookkeeping at paggawa ng report at sulat kapaki-pakinabang itong mga computer. Maganda nga kasi itong pagkakaimbento ng… yun bang sa pamamagitan ng telepono ay nakapag-usap na ang mga computer sa lahat ng dako ng Pilipinas at maging sa lahat ng dako ng mundo. Yung pagpapalitang-impormasyon ng mga computer sa pamamagitan ng mga telepono at mga satellite, yun po ang tinatawag nating Internet. ‘Hi-tech,’ ano?

Talagang ‘hi-tech’ yan! Aba, sa “e-mail,” nakakasulat ka kahit saan sa mundo sa loob lamang ng ilang minuto, at pwede mo pamg sabay-sabay na padalhan ang maraming address. Meron pang “web site” na pwedeng tingnan at basahin ng sinumang “on-line” o nakaugnay sa Internet kahit nasaan siya sa mundo. Malaki nga’ng maitutulong n‘yan sa mga koop!

Pero tulad po ng alinmang bagay na kapaki-pakinabang, hindi basta-basta magagamit ng mga koop ang Internet. Kailangan muna ng sapat na kaalaman at kakayahan, di ba? Sa mga kooperatiba ngayon, ilan kaya ang aktibong “on line”?

Kailangang malaman ng mga koop na maraming kapaki-pakinabang na impormasyon sa Internet. Kailangang malaman papanong kukunin ang impormasyong useful sa kanila. Tapos, kung papaanong maglalagay ng kanila namang mga advertisement. Ibig sabihin, kailangang matuto silang magbasa at magsulat sa Internet, magbasa sa mga isinulat ng napakaraming iba pa, at magsulat ng babasahin naman ng iba! Gagastahan din ‘yan—para bumili ng computer, magbayad ng serbisyo para pag-ugnay sa Internet, at magtutok ng ilang tauhan sa ganitong trabaho. Baka nga magdalawang-isip muna ang mga koop natin bago sumabak sa ganito.

Oo nga! Laluna kung di nila nakikita na ang kooperatiba ay pagnenegosyo, sama-samang pagnenegosyo para sa sama-samang pag-angat sa katayuan ng mga myembro sa pamamagitan ng papalaking dibidendo at papalaking papel sa lipunan. Kung ang negosyo ng isang koop ay batay sa produksyon at pagbebenta ng produkto, kailangan talaga ang impormasyon para mahusay na makipagkalakalan sa mga kapwa-koop at sa mga kompanya, sektor, at ahensya ng gobyerno. Para nga lumakas at humusay ang sariling negosyo ng mga koop. Masusulit po ang mga pagsisikap at gastos sa ganito!

Pero tandaan nating ang mga computer, telepono at Internet ay mga kasangkapan lang ng tao. Gugustuhin ba ng tao na gamitin ito? Papaano? Para ito sa mabilis na ugnayan. Pero nakikita ba ng mga tao, ng mga kooperatiba, na importante ang ganitong pakikipag-ugnayan?

Kung nakikita talaga nang husto ng mga koop ang halaga ng palagiang ugnayan at kapaki-pakinabang na mga transaksyon sa kanilang hanay, wala pa sanang Internet ay aktibo na silang nag-uugnayan at nagsasanib-sanib ng lakas, para sumulong ang kani-kanilang mga negosyo at para lumakas ang sektor-kooperatiba sa iba’t ibang pook at sa iba’t ibang linya ng industriya. Eh di ang lakas sana ngayon ng sektor-koop bilang isa sa mga haligi ng pambansang ekonomya! Parang sa ibang bansa. Pero hindi, eh!

Kung wala nga kasi ang ganyang buhay na diwa ng pagsasanib-lakas, kahit tambakan mo ng computer ang lahat ng koop ay di rin nila magagamit nang husto ang teknolohiya. Kaya’t hamon po ang tanong na ito -- aling klase po ba ng koop ang mayroon tayo r’yan?

Please join our 'Sanib-Sinag'

(synergy of minds), through this

'CYBER TALK-BACK'

in selected SanibLakas webpages:

Webmaster will send your response ASAP

to your and the author's) e-mail addresses;

SANIBLAKAS CYBERSERVICES is

a service project of SanibLakas Foundation.

What are your comments and questions?

Your Name & Nickname::
Position:
Organization, Office, School or Barangay:
Mailing / E-mail Addresses Fax & other numbers:
Personal or work background rele- vant to the comment or inquiry:
S E N D -->	BACK to TOP