Untitled

Kooperatibismo sa Lyrics ng Isang Kanta (3)

(Setyembre 12, 2001)

HETO na tayo sa huling bahagi ng paliwanag sa lyrics ng “Sama-sama, Sanib-Sanib,” isang kantang ginawa ukol sa pagsasanib-lakas na aplikableng-aplikable sa mga kooperatiba.

Kailan natin ituturo sa kanila ang tono?

Ituturo muna natin kay Regine Velasquez, o kaya kay Aiza, para maisama sa susunod nilang single. Pero baka mas bagay ‘to sa grupong Hagibis! Hahaha! Uunahin na nating turuan ang mga kasama natin dito sa Bayan News. Sa serye kasi ng mga pag-aaral ng Bayan News Coop, na idinaraos ng PUP Institute of Cooperatives, kinuha ako ng IC para humawak ng isang paksa – tungkol sa pamumuno sa koop – at malapit na malapit na ang schedule nito.

Ang huling linya po ng kanta, mga kaibigan, ay ganito:

(Pakanta:) Sanib na sa isang pag-aambagan, sanib din sa kasaganaan!

Pag-aambagan. Katulad po ito ng pagdadamayan na malapit sa puso at karanasan ng mga Pilipino. Nag-aambagan tayo para dumamay sa mga nasalanta ng sunog, baha o iba pang kalamidad, nag-aambagan din para may maiabuloy sa mga namatayan. Ganoon. Pero ang katagang ambagan naman ay pwede ring gamitin sa masayang pagkakagastahan, di ba?

Oo! Halimbawa, ambagan para sa isang surprise birthday party. Ambagan para maibili ng malaking regalo ang isang katrabaho o ang boss. At kung gayon, pwede talaga tayong mag-ambagan para makabuo ng puhunan sa sama-samang pagnenegosyo.

Mismo! Ang ganitong pag-aambagan ay… masaya! Papasulong! Hindi lang para makaraos o makaahon ang sinuman sa isang kinasadlakang krisis.

Pero bakit nga ganoon, ano? Parang laging mas matingkad sa kamalayan nating mga Pilipino yung mga krisis, mga kalamidad, matitinding kagipitan… Samantalang pwede ngang para sa masaya at papaunlad na bagay ang ipinag-aambagan?

Ang karaniwang Pilipino kasi, mahihirap. Ganoon na ang nakasanayan natin. Ang masama pa nito, mukhang nadamay na ang konsepto ng kooperatiba, lalo’t marami sa mga kooperatiba ay credit cooperatives. At sa karaniwang Pilipino, ang pangungutang ay halos palaging nakadikit sa kagipitan, bihira sa atin ang nangungutang ng ikakapital sa negosyo.

Kaya ang sinasabi natin sa huling mga linya nitong kanta, mag-ambagan tayo nang sama-sama at ang maaasahan nating bunga ay pagsama-sama rin sa kasaganaan.

Kasaganaan talaga yan, ha! Hindi kasapatan lang! Ang gusto nating mangyari pagdating ng panahon… ang kooperatiba ay behikulo ng pag-asenso, di lang panagip sa gipit.

Ganoon nga po, mga kaibigan. Pararamihin, palalakasin natin ang mga koop na nasa produksyon, nasa marketing, nasa malalaking negosyo. Mag-aambagan ng mas malalaking kapital ang mas maraming myembro at susulong ang sama-samang negosyo sa mas malalaking tubo, mas malalaking dibidendo, sama-samang pag-asenso.

At diyan po nagtatapos, mga kaibigan, ang mga paliwanag namin ni Joydee tungkol sa kakaunti lang namang mga linya ng awiting Sama-Sama, Sanib-Sanib, na pwede ngang maging balangkas ng pag-aaral ng mga kooperatiba. Ano kaya, i-tape kaya natin ‘tong kanta at paramihin natin ang kopya. Baka maging mabenta, eh di kikita tayo. Hahaha! Pati mga magbebenta, bibigyan nating ng komisyon.

Itatanong ko sana kung s’an tayo kukuha ng kapital, pero ‘lam ko na’ng sagot mo.

Ano pa nga ba?! Eh di mag-ambagan tayo ng kapital, tapos hati tayo sa kikitain. Pero teka, may koop bang dadalawa ang myembro? Ah, alam ko na! Humatak tayo ng maraming mangangapital, kakanta at magbebenta. Mas masaya yon! O, di ba?

Please join our 'Sanib-Sinag'

(synergy of minds), through this

'CYBER TALK-BACK'

in selected SanibLakas webpages:

Webmaster will send your response ASAP

to your and the author's) e-mail addresses;

SANIBLAKAS CYBERSERVICES is

a service project of SanibLakas Foundation.

What are your comments and questions?

Your Name & Nickname::
Position:
Organization, Office, School or Barangay:
Mailing / E-mail Addresses Fax & other numbers:
Personal or work background rele- vant to the comment or inquiry:
S E N D -->	BACK to TOP