Untitled

Kooperatibismo sa Lyrics ng Isang Kanta (2)

(Setyembre 5, 2001)

NABANGGIT NA namin ni Joydee, nitong naunang labas ng kolum na ito, yun ngang kanta na tungkol sa pagsasanib-lakas sa mga kooperatiba. Naibigay pa nga naming ang lyrics.

Nakakatawa nga, dahil ang lyrics ay dapat kinakanta. Pero dahil kolum nga ito na binabasa, tinula mo na lang. Hahaha!

Ngayon naman po, pagtutulungan naming ibahagi sa inyo ang pinakamahahalagang mga salita dito, yung mga phrases na talagang kinargahan naming ng laman.

At para naman maalala n’yo, mabuti siguro’y ipaulit natin kay Ding ang lyrics.

Madali lang yan, maikli lang naman eh. Yung mga nakakaalam na ng tono, pwede nang kumanta (yung mga taga-Bulacan, Laguna at Batangas atsaka Metro Manila diyan, na nakapag-aral nga nito, ready na ba kayo?). O, heto na…

Sama-sama, sama-sama, Napakahirap man ay kaya rin nating gawin!

Sanib-sanib, sanib-sanib Sa ating layunin, kilos at sa kakamtin!

Sama na at nang magsalimbayan Ang ating mga kakayahan!

Sanib na sa isang pag-aambagan, Sanib din sa kasaganaan!

Tapos, may refrain na halos pag-uulit-ulit ng mga katagang “sama” at “sanib.” Yon!

Simulan natin dito sa “napakahirap,” mga kaibigan. Dapat nating idiin ang malaking kaibhan ng napakahirap gawin sa imposible talagang gawin. At kung sama-sama talaga nating haharapin ang anumang gawain, kayang gawin yan! Hindi naman sinasabi ng kanta na magiging madali. Pero kaya. At may dalawang bagay sa katagang “sama-sama.” Una, marami ba talaga ang nagsasama-sama o konti lang? Pangalawa, mahusay ba ang pagsasama-sama, nagtutulungan ba nang mahigpit, may teamwork ba? o para bang basta magkakasama lang sa isang kwarto pero di halos nagbabatian?

Marami ngang organisasyon na ang nagsasama-sama lang halos ay ang mga pangalan nila sa listahan ng mga myembro. Papano namang magtutulungan yung mga pangalan???

Okey, puntahan naman natin itong pagsasama-sama sa layunin, sa kilos at sa kakamtin. Kailangan talaga diyan, sa lahat ng tatlong ito nagsasama-sama. Kasi, pwedeng pagsama-samahin ang mga tao, at pumapayag naman silang magsama-sama, sa kilos lang, pero hindi naman pala mahigpit na nagkakaisa sa layunin. Lalo na po kung di rin sila magsasama-sama sa kakamtin, aba’y mukhang nagkakagamitan yata! Di rin naman pwedeng magkaisa lang sa layunin, tapos ay manonood na lang ang karamihan at konti lang ang gagalaw. Pag ganyan, mayroon tayong dalawang samahan-- samahan ng mga gumagalaw para sa layunin, at yung mas malaking samahan ng humahanga sa kanila dahil sa layunin lamang pala nila kaisa.

Isang magandang salita dito yung “salimbayan” Yung salitan, sabayan. Parang mga umaawit sa koro o tumutugtog sa orkestra. Iba-iba ang tono at iba-iba ang kumpas nila pero pag pinakinggan mo nang magkakasama, ang ganda! Nandyan po yung harmony ng iba’t ibang tono, tapos may counter-pointing ng iba’t ibang kumpas. Ano ba ang magandang halimbawa? Alam ko na! “Are you sleeping, are you sleeping, Brother John, Brother John?” Nasubukan na ba ninyo ang pagsasalimbayan nito?

Ang importante sa salimbayan ay ganito: hindi kailangang pare-pereho para magsama-sama nang maayos. Sa magagaling na teamwork nga, iba’t iba talaga ang kakayahan. Yun ang sinasabi ng kanta na kailangang ibunga ng pagsasama-sama.

Ayos, ano? Pero kapos na naman tayo sa ispasyo, Pakitago na lang itong lyrics para sa pagpapatuloy namin ng pagpapaliwanag ay di na kailangang tulain ko pang muli ang kanta.

Please join our 'Sanib-Sinag'

(synergy of minds), through this

'CYBER TALK-BACK'

in selected SanibLakas webpages:

Webmaster will send your response ASAP

to your and the author's) e-mail addresses;

SANIBLAKAS CYBERSERVICES is

a service project of SanibLakas Foundation.

What are your comments and questions?

Your Name & Nickname::
Position:
Organization, Office, School or Barangay:
Mailing / E-mail Addresses Fax & other numbers:
Personal or work background rele- vant to the comment or inquiry:
S E N D -->	BACK to TOP