Untitled

Pagbubuo ng Pagkakaisa

(Nobyembre 14, 2001)

HULING ARAW na po natin ngayon dito sa Manila Midtown Hotel, mga kaibigan, sa ginaganap na panrehiyong kongreso ng mga kooperatiba sa Metro-Manila, ang atin pong National Capital Region. Talagang buháy na buháy ang Cooperatives Month kapag may idinadaos na maraming mga kapulungan ng ng iba’t ibang mga kooperatiba.

Maganda po itong tema nitong Ikalawang Kongreso ng Metro Manila cooperatives na ginaganap ngayon, mga kaibigan, “Nagkakaisang Pananaw, Nagkakaisang Kilusan”! Dapat talaga sa mga kooperatiba, nagkakaisa. Hindi lamang ditto sa NCR kundi sa buong kapuluan.

Nag-Tagalog ka na naman nang English ang binabasa, ha! Okey, “One Vision, “One Movement!” tama po yan! Pero ano nga kaya ang tampok na nilalaman ng “one vision” na ito. Sana naitanong muna natin kay Fr. Anton! Alam mo, Joydee, dinadayo ko noon ang pagmimisa ni Fr. Anton sa Greenbelt, laluna yung mga homily. Ngayon naman ay aktibo siya sa kilusang koop! Paano kayang ihinugis 'tong “one vision” na 'to?

Malamang na malaki ang naging papel niya d’yan pero tiyak namang bunga ito ng “the coop way” – pagsasanib-isip ng maraming koop, ng maraming myembro. Ito na nga mismong pagko-kongresong ganito eh malamang isang mahalagang parte ng proseso ng paglilinaw sa magkakaisang pananaw na ‘yan.

Kailangang-kailangan talaga ang pagkakaisang-pananaw para mabuo ang isang malakas na kilusang kooperatiba sa Pilipinas. Marami tayong koop, at marami rin talaga tayong mga lider-koop. Pero kung minsan, pag dumarami na ang mga lider, lalong hindi nabubuo ang pagkakaisa.

Paano nga kasi, kailangan talagang patingkarin sa diwa ng lahat yung sinasabi natin sa kanta – kailangan, “Sama-sama, sanib-sanib!” sa halip na nagpapagalingan at nagpapaligsahan ang mga lider.

Crucial question kasi sa pagkakaisa ng kilusang kooperatiba yung mga prinsipyo ng International Cooperative Alliance ukol sa kooperatibismo mismo. Lalo na yung Principle 6 na tungkol sa kooperasyon ng mga kooperatiba, na nakaugnay naman sa Democratic Member Control at sa Autonomy and Independence. Sa ICA Principle 6, mahalagang mga mekanismo ang segundaryong tulad ng mga unyon at pederasyon na binubuo ng mga primaryang koop. Doon naman sa Member Control, inililinaw na myembro ang sama-samang masusunod sa loob ng isang koop; doon naman sa Independence, inililinaw na ang isang kooperatiba ay hindi bahagi ng anumang mas malaking organisasyon na kokontrol dito. Ibig sabihin, demokratiko nga! Ang mga unyon, pederasyon at mga apex ng kooperatiba ay dapat kontrolado ng mga myembro nila, hindi ng mga lider. Ang mga lider na kontrolado ng mga myembro ay astang mga statesmen imbis na umastang mga pulitiko.

Oo nga, kaya imbes na mangyaring mahati-hati ang mga kooperatiba batay sa kompetisyon ng mga lider, ang dapat ay pagkaisahin ng mga primarya at ultimo ng mga indibidwal na kasapi ng kooperatiba ang lahat ng lider. Yung mga lider na laging handang makipagkaisa sa iba, laging handang makipagsanib-isip sa iba, sa layunin, kilos at kakamtin, yun lang ang talagang kikilalaning lider. Ang ganda sana, ano?

Pero kailangan pa rin talaga ng matinding edukasyon sa mga kooperatiba ukol sa mga prinsipyo ng kooperatibismo. Pag kapos kasi ang edukasyon, laluna sa importansya ng mahigpit na pagkakaisa sa pagiging koop ng koop at sa pagiging coop movement ng coop movement, ang babagsakang tendency diyan ay magkanya-kanya, magkahati-hati, mag-agawan at magpaligsahan.

At building blocks ng pagkakaisa ang ganitong mga lokal na pagpupulong. Sana, sa lahat ng rehiyon sa buong kapuluan ay magkaroon ng mga ganito. Pati ng mga provincial at municipal-level assemblies. Magandang halimbawa itong ginagawa dito sa Metro Manila. Mabuhay po ang lahat ng nagtulung-tulong para sa tagumpay ng 2nd Metro Manila Coop Congress! Palakpakan po natin ang ating sanib-galing!

Please join our 'Sanib-Sinag'

(synergy of minds), through this

'CYBER TALK-BACK'

in selected SanibLakas webpages:

Webmaster will send your response ASAP

to your and the author's) e-mail addresses;

SANIBLAKAS CYBERSERVICES is

a service project of SanibLakas Foundation.

What are your comments and questions?

Your Name & Nickname::
Position:
Organization, Office, School or Barangay:
Mailing / E-mail Addresses Fax & other numbers:
Personal or work background rele- vant to the comment or inquiry:
S E N D -->	BACK to TOP