Untitled

Kusang-loob na Pananatiling Myembro

(Setyembre 26, 2001)

“BUKÁS at kusang-loob na pagmi-myembro…”

Naks naman! English yang binabasa mo, Tagalog yang lumalabas sa bibig mo…

He-he-he! Ibahin mo, Joydee! Ibahin mo!

Mukhang iniba mo nga, eh! Di ba yan yung pinakauna sa Seven Principles ng International Cooperative Alliance na binabasa ko kanina d’on sa mesa?

Ito nga. Ano naman yung iniba ko? Teka muna… Ah, oo nga. Open and voluntary membership, dapat pala, bukás na kasapian, at kusang-loob na pagmimyembro. Oks na?

Korek ka na dyan. At dadagdagan ko pa ‘yan. Hindi lang bukas ang koop na pumayag na makapasok ang mga bagong myembro, masigasig pa nga itong manghatak. Imbes na magsabing “come in” kapag may kumakatok nang gustong sumapi, kukumbinsihin na ang maraming tao na mag-apply, susunduin pa sa bahay. Pero syempre, dapat maipaliwanag muna ang lahat ng tungkol sa koop bilang bahagi ng kumbinsihan. Ang sinasabi ko lang, hindi maghihintay lamang ng aplikante…

Dapat talaga yang mga paliwanag, para maging kusang-loob talaga ang pagpasok bilang myembro. Tapos, kapag myembro na nga, dapat malinaw na kusang-loob din ang pananatili. Ibig sabihin, ang pagiging boluntaryo ng pagsapi at pananatiling kasapi ay dapat naman sanang makita nang malinaw sa ikinikilos mismo ng myembro. Ganado ba siya o walang kabuhay-buhay? Aktibo ba at masigasig o parang napipilitan lang?

Maganda talagang ilinaw yang sinabi mong pagpapatunay na boluntaryo nga ang pagiging kasapi ng koop. Pero iba’t iba ang maaaring dahilan kung bakit maraming kasapi ang ‘pagay-on gay-on’ lang sa koop. Baka sumobra ang sigasig magparami ng myembro, eh baka ang gawin, hayakin ang mga taong ayaw talaga pero di makahindi. Baka brasuhin o tutukan. Huwag naman! Dahil mapapalaki nga ang kasapian pero bababa ang kalidad nito. Biro mo, mga halos pinilit lang. Boluntaryo nga dapat, eh!

Tsaka meron namang mga pumasok dahil kulang naman ang paliwanag. Yun bang sa akala nila ay perang puhunan o kaya pirma lang nila ang kailangan, tapos wala na silang gagawin kundi maghintay ng biyaya, at opisyales na lang ang magtatrabaho. Aba’y di istilong-koop ‘yon! Pero kung iyon ang naipaliwanag sa kanila ng humahatak, aakalain nilang okey-okey na sila bilang mga myembro.

Kaya importanteng intindido ng bawat myembro ng koop ang lahat ng puntos dito sa Pitong Prinsipyo ng ICA. Para maging mahusay ang partisipasyon nila sa loob ng koop, at upang maging mahusay at kumpleto ang paliwanag nila sa mga taong pinipilit… eheste, kinukumbinse pala nilang sumapi rin.

At yung mga nagsasalin sa Tagalog habang nasa-English ang binabasa… ha-ha-ha! – ay dapat maging maayos naman ang pagsasalin.

Oo na! Pinakakadiin-diinan mo pa ‘yan, ha! Pero tama ka rin naman… na naman!

Paminsan-minsan… !

Kasi nga may kahirapan kung minsan na intindihin ang lahat ng mga prinsipyo at pasikut-sikot sa buhay ng kooperatiba. Lalo na ang mahigpit na pagkakaintindi na pagsasanib-sanib ng lakas ang pinaka-kaluluwa ng kooperatibismo. Kung sa pagsasalin pa nga lamang ng mga teksto ay naliligaw na…

Yan naman ang gusto ko sa yo, eh! Lagi kang bukas na tumanggap ng kamalian.

Parang koop! Lagi ring bukas na tumanggap ng mga bagong myembro.

Please join our 'Sanib-Sinag'

(synergy of minds), through this

'CYBER TALK-BACK'

in selected SanibLakas webpages:

Webmaster will send your response ASAP

to your and the author's) e-mail addresses;

SANIBLAKAS CYBERSERVICES is

a service project of SanibLakas Foundation.

What are your comments and questions?

Your Name & Nickname::
Position:
Organization, Office, School or Barangay:
Mailing / E-mail Addresses Fax & other numbers:
Personal or work background rele- vant to the comment or inquiry:
S E N D -->	BACK to TOP