Untitled

Ang Hamong Kaharap ni Ka Obet (2)

(Hulyo 11, 2001)

MAYSAKIT pa rin ngayon itong Sanib-Kolum, epekto pa rin ng matagal nang pagkakasakit ni Joydee na katambal ko rito. Pero tulad sa naunang labas, may nakukuhang enerhiya mismo sa paksa nito ngayon, si dating Bulacan Gov. Obet Pagdanganan at ang bago niyang pinamumunuang organisasyon, ang Philippine Cooperative Center o PCC.

Mabigat ang hamon kay Ka Obet at sa PCC. Mabigat kasi ang problema ng mga kooperatiba, at ito ay kakulangan ng pagkakaisa. Oo nga’t may mga buklurang gaya ng mga unyon at pederasyon na nagbubuklod sa primary cooperatives. Pero di sapat na nag-uugnay-ugnayan ang mga koop. Kulang pa sila sa pakikipagnegosyo sa isa’t isa, sa “enterprise interphasing.” Ang pangunahin sanang bibilhan ng hilaw na sangkap ng mga koop ay koop din, at ang pangunahin sanang bibili ng produkto ng koop ay koop din. Kung magagawa iyon, lalakas ang mga koop sa larangang sadyang nasa sentro ng kanilang buhay, ang sama-samang pagnenegosyo ng mga myembro, at sa paglakas ng koop ay matitiyak ang lahat ng serbisyong dapat asahan ng mga kasapi. At lalakas talaga ang pagkakaisa.

Patunay na humihina pa ang pagkakaisa ng sektor-kooperatiba ang nangyari nitong eleksyon. Hindi na nga naipasok sa Senado si Ka Obet, nawala pa ang dating pwesto sa Kongreso ng Coop-NATCCO party-list. Sa dami na lang ng myembro ng koop sa buong Pilipinas, mas mahusay sanang resulta ang lumitaw noong Mayo.

May pagkakataon ngayon ang PCC, sa pamumuno ni Ka Obet, na magbunsod ng mga proyekto para sa panloob na paglakas ng sektor-koop. Maganda ang joint project ng UNDP (UN Development Programme), CDA (Coop Development Authority) at PCC para sa maraming malalakas na tambalan ng mga kooperatiba at pamahalaang lokal, pero kung walang panloob na lakas ang mga koop, hindi magiging patas at malusog ang ganoong mga tambalan.

Mismong si Cesar Liporada ng UNDP, isa sa nagtulak ng proyekto para sa coop-LGU partnerships, ay nagsabing matagal na niyang hinihintay na magkaroon ng iisang tinig at tindig ang sektor-koop. Si Ka Obet naman ay nanawagan na noong 1999 para sa isang “rebolusyon ng mga kooperatiba” upang kamtin ang nararapat nilang papel sa ekonomiya. Kung mabubuhay ni Ka Obet ang tunay na pagsasanib-lakas kahit man lamang ng buong PCC Board, makakatindig na ang PCC mismo bilang nag-iisang tinig na hinihintay marinig ni Ces.

Tiyak na kaya ‘tong gawin ni Ka Obet. Si Obet Pagdanganan kasi ay kilalang tagapamandila ng prinsipyo ng pagsasanib-lakas o synergism. Bawat kooperatiba ay dapat sanib-lakas ng lahat ng myembro, at ang buong sektor naman ay dapat makatindig bilang sanib-lakas ng lahat ng kooperatiba sa bansa. Pagtulung-tulungan natin!

TINIG NG MGA

BAYAN

NEWS

KOOPERATIBA

Inilalabas tuwing Miyerkoles ng Bayan News Publishing Cooperative at nagtatampok sa mga kaganapan at usapin ng mga kooperatiba ng Pilipinas, patakaran, programa at batas at lahat ng iba pang dapat malaman ng mga namumuno, nagtataguyod at nag-aaral sa mga kooperatiba. May opisina ito sa Cor. Sta. Catalina and Biak-na-Bato sts., Bgy. Sienna, Quezon City. Para sa dealership o subscriptions, tumawag po sa 4144733.

Please join our 'Sanib-Sinag'

(synergy of minds), through this

'CYBER TALK-BACK'

in selected SanibLakas webpages:

Webmaster will send your response ASAP

to your and the author's) e-mail addresses;

SANIBLAKAS CYBERSERVICES is

a service project of SanibLakas Foundation.

What are your comments and questions?

Your Name & Nickname::
Position:
Organization, Office, School or Barangay:
Mailing / E-mail Addresses Fax & other numbers:
Personal or work background rele- vant to the comment or inquiry:
S E N D -->	BACK to TOP