Untitled

Balik Aral sa mga Batayang Prinsipyo

(Setyembre 19, 2001)

ABA, Joydee! Mukhang napakalalim na naman ang iniisip mo diyan, ah!

Oo! Nire-review ko nga kasi itong Seven Principles na inilabas ng International Cooperative Alliance noong 1992. Maganda nga sigurong isa-sahin natin ito mga ‘to sa susunod nating mga kolum.

Tama. Pero parang may iba ka pang iniisip. Parang maraming question mark na naglalaro diyan sa mga kilay mo, eh. Ano ba’ng problema sa mga nakasulat diyan?

Wala naman. Iniisip ko lang yung mga myembro ng kooperatiba ngayon at yung mga myembro noong nagsisimula pa lang ang konsepto ng koop. Nung panahon ng Rochedale Pioneers, o nung itinatatag pa lang ang ICA. May napapansin ako sa kaibhan ng awareness o kamalayan ng mga pumapasok sa kooperatiba…

Kamalayang ano? Kaalaman sa pamamalakad ng mga koop? O kamalayan sa kung ano talaga itong pinapasok nila?

Yon! Di ba, dati-rati’y wala pang gaanong nakasulat ukol sa mga criteria upang maging ganap na myembro ng coop? Maliban na lang sa mga prinsipyo nga nitong ICA na itinuturing awtoridad magmula nang mabuo noong 1895. Kaya lang, di naman ito available agad sa lahat. Kailan rin lang ba nagkaroon ng pre-membership seminars?

Pero, di ba’t noon pa’y marami na ang bumubuo at sumasali sa koop sa paniniwalang mahusay na paraan ito ng paglago ng kanilang kabuhayan, o kaya’y paraan ng pagkakaisa ng kanilang komunidad para sa isang layunin? Para bang damang-dama nila ang pag-unlad ng lahat ng kasapi sa pagbuo ng isang kooperatiba.

Oo naman! Ibang bagay pa kung nakatutulong pa ang kanilang koop sa iba maliban sa mga myembro nito. Mas masaya talaga kung ganon! Kitang-kita na malapit sa puso nila ang prinsipyo nito kahit pa di gaanong nakapagbabasa ukol sa esensya ng kooperatiba.

Eto pa nga. Sa kabilang banda, mukhang mas masuwerte ang mga nais lumahok sa coops ngayon dahil kung gusto nilang pag-aralan munang mabuti ito ay pwedeng-pwede. Sa dami na rin ng mga nakasulat na mahahalagang dokumento tungkol sa koop, siguradong maliliwanagan ang sinumang gustong maging bahagi nito. May kataka-taka nga lang. Ngayong mas may awareness ang karamihan sa prinsipyo ng koop, bakit may pumapasok pa rin, at marami pa nga sila, na tila wala sa puso ang pagsali?

Bakit kamo? Kumpara nga sa mga nagsimula ng kooperatibismo tulad ng Rochedale Pioneers, halimbawa, na kinailangang mangapa muna ng mga bubuuing konsepto, nariyan na at plantsado na ang mga paliwanag ngayon sa mga prinsipyo. Bakit nga kaya?

Parang iba nga kasi iyong motivation sa pagbuo o pagsali e! Andami nang coop sa Pilipinas, pero magtataka kayo na higit sa kalahati nito’y inactive o kaya’y nawawala.

Sana naman, patuloy na umunlad ang kamalayan nating lahat sa tunay na halaga ng kooperatiba. Lalo pa nga’t dumarami ang nasususlat na mga modelong karanasan sa pagpapahusay nito at habang patuloy rin ang pagdami ng nag-aaral ukol dito. ‘Wag naman sanang baliktad pa nga ang mangyari. Pero hindi rin talaga sa dami ng mababasa nakasalalay ang pagkakaroon ng tamang kamalayan tungkol sa mga koop. Eh papaano kung nar’yan nga ang mga babasahin, wala naman silang panahon o interes na magbasa? Paano kung sa tingin ng myembro ay mga direktor lang nila ang kailangang makaalam, at susunod na lang sila?

Huwag naman sanang ganoon! Ang pinasukan nga nila’y kooperatiba -- sama-samang pagpapasya sa sama-samang pamamahala sa kanilang sama-samang pagnenegosyo. Paanong magtatagumpay kung iilan lang ang nakakaalam at nag-iisip?

Please join our 'Sanib-Sinag'

(synergy of minds), through this

'CYBER TALK-BACK'

in selected SanibLakas webpages:

Webmaster will send your response ASAP

to your and the author's) e-mail addresses;

SANIBLAKAS CYBERSERVICES is

a service project of SanibLakas Foundation.

What are your comments and questions?

Your Name & Nickname::
Position:
Organization, Office, School or Barangay:
Mailing / E-mail Addresses Fax & other numbers:
Personal or work background rele- vant to the comment or inquiry:
S E N D -->	BACK to TOP